Rais wa Uganda Yoweri Kaguta Museveni
Museveni aliyeingia madarakani mwaka 1986 alitoa kauli hiyo wakati wa mdahalo wa televisheni uliofanyika jana usiku akishiriki kwa mara ya kwanza katika mdahalo huo na wagombea wengine wa kinyang'anyiro cha urais.
Kiongozi huyo wa Uganda alisema mahakama ya ICC inapendelea na haina usawa na wala haiko makini.
Tangu mahakama hiyo ilipoundwa mwaka 2002 imeanzisha uchunguzi unaozihusisha nchi nane zote kutoka bara la Afrika.
Katika mkutano wa kilele uliopita wa nchi za Afrika mjini Adis Ababa viongozi wa bara hilo waliunga mkono mwito uliotolewa na Kenya wa kutaka nchi hizo zijiondoe katika mahakama hiyo.
Katika uchaguzi mkuu wiki ijayo Museveni atapambana na wagombea wengine saba katika mchuano wa kuwania urais.
