Naibu Waziri wa Fedha, Hamad Hassan Chande
Naibu Waziri Chande, ametoa rai hiyo wakati akizungumza na wafanyabiashara wa Kata ya Kiusa, wilaya ya Moshi Mjini, mKilimanjaro, akiwa katika ziara ya siku mbili mkoani humo iliyolenga kutatua changamoto mbalimbali wanazopitia wafanyabiashara mkoani humo na kuhamasisha matumizi sahihi ya mashine za kielektroniki (EFD).
"Lazima Watanzania tuwe na utamaduni wa kudai risiti tunaponunua bidhaa, na kutoa risiti tunapouza bidhaa, hii ndio chachu ya maendeleo ya nchi hii na itasaidia utekelezaji wa miradi mbalimbali ikiwemo maji, shule na afya ifanyike kwa wingi," amesema Mhe. Chande.
Aliongeza kuwa, kila Mtanzania anapaswa kuwajibika katika kulipa kodi na kudai risiti halali ya kieletroniki kila wanapofanya manunuzi na ameitaka Mamlaka ya Mapato (TRA), kuhakikisha wanakusanya mapato halali bila usumbufu kwa wafanyabiashara.
