Akizungumza na East Africa Radio, msemaji wa Timu hiyo, Oscar Asenga amesema, ripoti hiyo ambayo ni ya mechi zote za ligi alizosimamia kocha Julio itasaidia kujua ni mapungufu yapi na changamoto zipi zilizo kwa wachezaji na mchezaji mmoja mmoja ili kuweza kuelewa kocha atakayeendana na mazingira ya kikosi hicho.
Asenga amesema, baada ya kupokea ripoti hiyo ndipo watakuwa na uamuzi sahihi wa kuwa na kocha mpya au kubaki na Julio ambaye amekuwa na kikosi hicho katikati ya msimu wa pili.
