Mwimbaji na dansa Super Nyamwela
Nyamwela ameongea na eNewz kueleza kuwa marehemu baba yake hakuwa mgonjwa na kifo hicho kimempata akiwa ameamka na kuendelea na shughuli zake za kila siku na ndipo alipodondoka ghafla na kufariki dunia papo hapo akiwa nyumbani.
Aidha Nyamwela ameeleza kuwa mipango ya mazishi ya marehemu baba yake inatarajiwa kufanyika Ijumaa wiki hii ambapo Nyamwela na familia yake watasafiri kesho kwenda Tunduru mkoani Ruvuma kwa ajili ya kuhudhuria msiba huo.
