Ikumbukwe katika mechi mbili mfululizo zilizopita Mtibwa ilipokea vipigo kutoka kwa Yanga na Azam na kabla ya hapo ilikuwa imefululiza kwa kupata sare baada ya kuwa imepoteza kwa Ruvu Shooting.
Kwa matokeo hayo Mtibwa ambayo iliongoza ligi hiyo kwa kipindi kirefu, imefikisha point 19 katika nafasi yake ya 6
Katika mechi nyingine Coastal Union nayo imevutwa shati na Mbeya City kwa kulazimishwa suluhu ya bila kufungana katika dimba la CCM Mkwakwani jijini Tanga.
Mjini Shinyanga Stand United imeishushia kipigo cha mabao 4-1 timu ya Mgambo JKT katika mchezo uliopigwa katika dimba la CCM Kambarage.
Katika mechi za kesho (Februari 15), Simba itakuwa mgeni wa Polisi Morogoro katika dimba la Jamhuri mjini Morogoro ikikumbukwa kwamba katika mchezo wa kwanza Polisi iliilazimisha sare Simba katika uwanja wa Taifa Dar es salaam.
Nayo Kagera Sugar itaikaribisha JKT Ruvu katika dimba la CCM kambarage mjini Shinyanga.
