Naibu Waziri wa Kilimo, Anthony Mavunde
Naibu Waziri Mavunde ameyasema hayo mkoani Mwanza wakati wa kikao cha utatuzi wa migogoro ya ardhi ya vijiji 975 inayoshughulikiwa kamati ya Mawaziri nane wa kisekta ambapo kamati hiyo ilikuwa katika Kata ya Shibula,Wilaya ya Ilemela-Mwanza.
"Ni wakati muafaka sasa taasisi zote zilizo chini ya Wizara ya Kilimo kuhakikisha mnayalinda na kuyatunza maeneo yenu kwa kuyapima na kuzungushia uzio, kuyaacha mashamba haya bila kuyatumia kwa eneo kubwa kunasabisha uvamizi wa maeneo haya ambayo mengi yametengwa kwa ajili ya uzalishaji mbegu na utafiti wa kilimo," amesema Naibu Waziri Mavunde
Aidha Mavunde ameongeza kuwa, "Hivyo naagiza taasisi zote kuhakikisha mnatenga bajeti ya kulinda haya maeneo na kusimamia malengo ya matumizi yake, Mh.Rais Samia Suluhu Hassan ametuongezea bajeti kwenye wizara yetu hivyo hakikisheni katika mipango yenu inahusisha ulinzi wa maeneo haya,"
