Jumatatu , 26th Sep , 2016
 

Rais Magufuli katika ziara hiyo pamoja na mambo mengine ametoa miezi miwili kwa Mamlaka ya Bandari Tanzania (TPA) kununua mashine nne za kukagulia mizigo bandarini (Scanning Machine).

Submitted by amosi on Jumatatu , 26th Sep , 2016

Rais Dkt. John Magufuli akifanya ukaguzi katika eneo la Gati la Mafuta la Kurasini KOJ.

Rais Dkt. Magufuli ametoa agizo hilo baada ya kubaini kuwa kati ya mashine nne za ukaguzi wa mizigo zilizopo, ni mashine mbili pekee ndizo zinafanya kazi na hazina uwezo wa kukagua mizigo yote inayotoka na kuingia nchini kupitia bandari hiyo hali inayosababisha kutokuwepo kwa udhibiti wa uhakika wa udanganyifu.

Dkt. Magufuli ameiagiza (TPA) kwa kushirikiana na wizara husika kuanza mazungumzo na kampuni ya kimataifa ya kuhudumia shehena ya makasha bandarini (TICTS) ambayo inapakia na kupakua mizigo katika gati namba nane hadi kumi na moja ili kurekebisha mkataba ya mafuta yanayopakuliwa melini.

Ameiagiza TPA kuharakisha mchakato wa kununua mita mpya (Flow Meters) na kuzifunga.

Rais Dkt. John Magufuli akikagua utendaji kazi na vitendea kazi vya bandari katika eneo la ofisi ya mtambo wa kuhakiki mizigo katika eneo la Bandari jijini Dar es Salaam.
Mkurugenzi Mkuu wa Mamlaka ya Bandari Mhandisi Deusdedit Kakoko akitoa maelezo kwa Rais wa Jamhuri ya Muungano wa Tanzania Dkt. John Pombe Magufuli kuhusiana na masuala mbalimbali ya utendaji kazi wa Mamlaka ya Bandari nchini.