Akizungumza na East Africa Radio, Katibu Mkuu wa RT, Suleiman Nyambui amesema wadhamini hao wanatakiwa kutoa sapoti kubwa kwa vijana ili kuweza kushiriki mashindano mbalimbali ya ndani na nje ya nchi huku wakiweka imani ya kushinda katika mashindano hayo.
Nyambui amesema mchezo huo hauwezi kukua na kuipa sifa nchi iwapo wadhamini hawataweza kujitokeza kwa ajili ya kuwekeza wakiwa na lengo la kuutangaza.
Nyambui amesema, Tanzania imekuwa ikishiriki mashindano mbalimbali ambayo ni makubwa nje ya nchi, lakini imekuwa vigumu kuweza kufanya vizuri kwenye mashindano hayo kutokana na kukosa wadhamini watakaoweza kuwasaidia kwa ajili ya maandalizi.
