Waziri wa Maji na Umwagiliaji nchini Tanzania, Profesa Jumanne Maghembe.
Akitoa taarifa ya tatizo la upatikanaji wa maji katika jiji la Dar es Salaam, leo Bungeni mjini Dodoma, Waziri wa Maji Prof. Jumanne Maghembe amesema serikali imeingia mkataba wa ujenzi huo ambao utakamilika Desemba mwakani na wakandarasi wawili kutoka nchini India ili kuongeza kiwango cha upatikananji wa maji safi na salama kwa wakazi wa jiji la Dar es Salaam.
Aidha, Prof. Maghembe amesema serikali imeendelea kuchukua hatua mbalimbali za kukabiliana na wezi wa maji jijini Dar es Salaam ikiwa ni pamoja na kuwafikisha mahakamani watuhumiwa wa wizi na waliobainika kutenda kosa wametozwa faini na wengine kufungwa.
