Mwenyekiti wa CCM Dkt. John Magufuli akiwa na Katibu Mkuu wa CCM, Abdulrahman Kinana
Hayo yamesemwa na mkuu wa idara ya itikadi na uenezi wa chama chja mapinduzi CCM Mheshimiwa Nape Nnauye wakati akiwasilisha mapendekezo yaliyotolewa na halmashauri kuu ya taifa ya CCM iliyokutana tarehe 13.12.2016 Jijini Dar es salaam kwa muda wa siku moja,kikao kilichoongozwa na Mwenyekiti wa taifa wa CCM Dkt.John Pombe Magufuli.
Amesema mwenyekiti wa kamati ya udhibiti na nidhamu ametakiwa akamilishe kazi ya taarifa ya udhibiti kwa wanachama waliokiuka mienendo ya kiuanachama kabla ya kuanza uchaguzi mkuu wa chama mwezi Februari 2017, mikoa na wilaya ambazo hazijapeleka taarifa zao za kiudhibiti ziwe zimefikisha taarifa zao kwa mwenyekiti wa kamati wa udhibiti na nidhamu kabala ya tarehe 30.01.2017.
Nape Nnauye
Sanjari na hilo amesema uhakiki wa mali za chama unaendelea kufanyika kwa kina na uchambuzi zaidi ukikamilika taarifa yake itawasilishwa kwa sekretarieti ya halmashauri kuu ya taifa mapema iwezekanavyo.
Aidha ameongeza kuwa maamuzi na mapendekezo hayo yatapelekea kufanyika kwa mabadiliko ya katiba ya chama na kanuni za Jumuiya za chama.
