Mkurugenzi wa ufundi wa Stand United Muhibu Kanu amesema, wapo katika maongezi na Maguli waangalie wanampa ofa gani katika mazungumzo juu ya mkataba wake mpya.
Kanu amesema, iwapo Maguli atapata timu nje ya nchi watamkubalia aende na kama hatapata timu nje ya nchi na akapata timu za ndani za Ligi hawataweza kumuachia aondoke, watapambana na watampa ofa nzuri zaidi ili timu inayomuhitaji isiweze kumchukua.
Maguli ameshamaliza mkataba wake ndani ya Klabu ya Stand ambayo amekuwa hana maelewano mazuri na kocha wake Patrick Liewing.
