Akizungumza na East Africa Radio, Rais wa Chama cha Rolball, Noel Kihunsi amesema timu inaendelea na mazoezi kwa ajili ya michuano hiyo inayoshirikisha nchi mbalimbali ambao ni wanachama wa mchezo huo kutoka Bara la Afrika na Asia.
Kihunsi amesema michuano hiyo ina nafasi kubwa kwa upande wa timu kutoka hapa nchini kutokana na timu hiyo kuwa na rekodi nzuri katika mashindano mbalimbali hususani yale ya michuano ya Kombe la Dunia ambapo mara kwa mara Tanzania imekuwa ikishiriki na kuweza kufanya vizuri.
