Huu ni mwanzo bora wa ligi ya kikapu Marekani NBA tangu msimu wa 2015-16 klabu ya Golden State Warriors iliyocheza michezo 24 mfululizo kwenye msimu huo.Donovan Mitchell amekuwa kwenye kiwango bora sana msimu kwa Cavaliers kamaliza mchezo wa jana akiwa amefunga alama 36 na Wachezaji wengine watano wamefikisha alama zaidi ya kumi mchezo wa jana huku ikitoka nyuma kwa alama 9 robo ya tatu na kushinda mchezo huo.
Cleveland Cavaliers yazidi kung'aa NBA baada ya jana kushinda mchezo wake wa 12 mfululizo dhidi ya Chicago Bulls kwa vikapu 119-113.
Huu ni mwanzo bora wa ligi ya kikapu Marekani NBA tangu msimu wa 2015-16 klabu ya Golden State Warriors iliyocheza michezo 24 mfululizo kwenye msimu huo.Donovan Mitchell amekuwa kwenye kiwango bora sana msimu kwa Cavaliers kamaliza mchezo wa jana akiwa amefunga alama 36 na Wachezaji wengine watano wamefikisha alama zaidi ya kumi mchezo wa jana huku ikitoka nyuma kwa alama 9 robo ya tatu na kushinda mchezo huo.
Zach LaVine kapiga alama 26 Coby White na Nikola Vucevic wakafunga alama 20 kila mmoja za kufutia machozi kwa kikosi cha Bulls.
Kwengineko kwa michezo ya jana usiku mwendelezo wa ligi ya kikapu Marekani Victor Wembanyama kaondoka uwanjani akiwa na alama 34 ribaundi 14 na akasaidia alama nyingine 6 wakati San Antonio Spurs ikiivurumisha Sacramento Kings vikapu 116-96. Julian Champagnie kafunga alama 13 Chris Paul akaongeza nyingine 12 na kufikisha alama zaidi ya kumi kwenye mchezo wa jana upande wa Spurs.
Shai Gilgeous-Alexande akiwa kwenye ubora mkubwa akaing'arisha Oklahoma City Thunder dhidi ya Los Angeles Clippers kwa vikapu 134-128 na kuifanya timu hiyo kusahau kipigo cha mwishoni mwa wiki iliyopita kutoka kwa Golden State Warriors.Gilgeous-Alexander akiweka kambani alama 45 Jalen Williams akifikisha alama 28 na Luguentz Dort akaongeza nyingine 19.
Thunder ilitoa taarifa juu ya majeraha ya mcheza wake Chet Holmgren atakuwa chini ya uangalizi kwa wiki nane mpaka 10 baada ya kuumia kwenye mchezo dhidi ya Warriors.
Cam Thomas kaweka vikapu 17 akiiwezesha timu ya Brooklyn Nets kushinda mchezo dhidi ya New Orleans kwa ushindi mwembamba wa Pelicans 107-105, Houston Rockets wakiitandika Washington Wizards kwa alama 107-92 .
