Uzinduzi huo uliopambwa na teknolojia ya hali ya juu, ulifanyika katika ukumbi wa kifahari jijini San Francisco kupitia tukio la Galaxy Unpacked. Katika hali inayoelezwa kama "mapinduzi ya akili mnemba na uimara," Samsung imedhihirisha kwanini wao ni vinara wa soko la simu duniani.
Huku wapenzi wa teknolojia wakishuhudia kwa shauku, toleo hili la 26 limekuja na mabadiliko makubwa ambayo yanakwenda kubadili namna tunavyotumia vifaa vya mkononi.
Zifuatazo ni sifa ambazo zimeitofautisha Galaxy S26 Series na simu nyingine yoyote sokoni kwa sasa:
Privacy Display : Kwa sasa, ukitaka mtu wa pembeni asione unachokifanya kwenye simu yako inabidi ununue (glass protector) ambayo ni ya ‘’Privacy” Tofauti na S26 Series ambapo teknolojia hii iko moja kwa moja kwenye kioo cha simu yako, hivyo haina haja tena ya kuweka ‘’Privacy Protector’’
Gimbal Camera : Kamera ya S26 imeweka teknolojia ya Mechanical-Software Hybrid Stabilization, Hata ukiwa kwenye bodaboda inayopita kwenye mashimo, video inatoka kama imerekodiwa na drone, Ni habari mbaya kwa watengeneza Gimbal lakini ni habari njema sana kwa ma-vlogger na wapenda picha.
Akili Mnemba (AI) Isiyo na Kikomo: S26 si simu janja tu, bali ni msaidizi binafsi. Safari hii Samsung wamejumuisha mfumo mpya wa AI unaoweza kutabiri mahitaji ya mtumiaji na kurahisisha kazi ngumu kwa sekunde chache.
Kamera Yenye Uwezo wa Darubini: Kwa wapenzi wa picha, S26 imevunja rekodi kwa teknolojia mpya ya lensi inayoweza kuchukua picha zenye ung’avu wa kipekee hata katika mazingira ya giza totoro.
Betri na Uimara wa Kipekee: Kwenye toleo hili, Samsung wamefanikiwa kuleta betri inayodumu kwa muda mrefu zaidi huku wakitumia vioo imara visivyoweza kukwaruzwa kwa urahisi, vikilinda urembo na thamani ya simu hiyo.
Kuzinduliwa kwa Galaxy S26 sasa kunafungua ukurasa mpya wa ushindani, huku maswali yakiwa ni je, washindani wao watajibu mapigo kwa kasi gani?
