Mpango huo wa miaka minne, utawasaidia wakulima kupata taarifa za hali ya hewa ili waweze kuzitumia kupanga kilimo chenye tija pamoja na kuepuka hasara za mafuriko na ukame.
Mratibu wa mradi huo kutoka Ofisi ya Waziri Mkuu Bw. Alfei Daniel amesema wafugaji nao kwa upande wao watanufaika na taarifa hizo ambazo zitawasaidia kuinua pato lao, la familia zao na la taifa kwa ujumla.
Tanzania ni moja ya nchi zinazotekeleza miradi ya kukabiliana na athari za mabadiliko ya tabia nchi yakiwemo majanga kama milipuko ya magonjwa, ukame uliokithiri pamoja na mafuriko.
