Waziri wa Kilimo, Mifugo na Uvivu Mhe. Mwigulu Nchemba
Akizungumza bungeni mjini Dodoma, Mhe. Nchemba amesema kuwa kuna baadhi ya watumishi wanataifisha mifugo inayoingia katika hifadhi za taifa na kuzichukua pesa hizo kwa manufaa yao huku wingine wakitoa pesa na kuachiwa bila hatua yoyote kuchukuliwa.
Mhe. Nchemba amezitaka taasisi za kiserikali husika zinazosimamia masuala ya rushwa na ukiukwaji wa sheria, kushirikiana na wizara hiyo ili kuwachukulia hatua watumishi wote wanaohusika na tuhuma hizo ambazo zinaitia doa serikali.
Aidha, ameongeza kuwa kuna baadhi ya watumishi wanataifisha mifugo hiyo na kisha wao wenyewe kwenda kuinunua kwa bei ya chini na kuwafanya wafugaji kulalamika kuonewa na kusema kuwa mtumishi anaefanya hivyo ajue huo ni ukiukwaji wa sheria za nchi.
Mhe. Nchemba amesema ili kuendesha nchi kwa utawala bora, wizara yake na Wizara ya Maliasili wataendelea kutoa elimu kwa wananchi juu ya sheria na mipaka yao ili wajue kuwa kuingiza mifugo katika hifadhi ni kinyume cha sheria.
