Jumamosi katika Uwanja wa Sokoine wapinzani wa jiji la Mbeya, Prisons FC watakuwa wenyeji wa wagonga nyundo Mbeya City ambapo katika uwanja wa Nangwanda Sijaona wenyeji timu ya Ndanda FC watawakaribisha wakata miwa wa Kagera Sugar, huku jijini Tanga Mgambo Shooting wakiwa wenyeji wa maafande wa JKT Ruvu mchezo utakaopigwa kwenye uwanja wa Mkwakwani.
Jumapili katika uwanja wa Taifa jijini Dar es salaa, Simba SC watawakaribisha Azam FC, mchezo ambao unatabiriwa kuwa na upinzani mkali kusaka nafasi ya pili ili mwakani kuweza kuwakilisha Tanzania katika michuano ya kombe la shirikisho barani Afrika.
Jijini Tanga wagosi wa kaya Coastal Union watawakaribisha timu ya Stand United kutoka mjini Shinyanga, mchezo utakaochezwa kwenye uwanja wa Mkwakwani, huku kwenye uwanja wa Manungu mkoani Morogoro wenyeji Mtibwa Sugar wakiwakaribisha maafande wa Ruvu Shooting.
