Katika mapokezi hayo ambayo yaliongozwa na Mkuu wa Wilaya ya Mtwara, Dustan Kyobya ambaye ni mwenyekiti wa kamati ya maandalizi ya mkoa kutokea katika uwanja wa ndege wa Mtwara kwa kuzunguka mitaa mbalimbali ya mkoani hapa kabla ya kwenda kwa mkuu wa mkoa, Kanali Ahmed Abasi Ahmed ambaye aliwakaribisha mabondia hao mkoani hapa.
Kanali Ahmed alisema kuwa anawakaribisha mabondia hao mashuhuri nchini ndani ya mkoa huo pamoja na kuwatakia ushindi katika pambano lao l la Mtwara Ubabe Ubabe 2 huku akitoa wito kwa wadau kujitokeza kuweza kwenye mkoa huo kupitia sekta ya utalii kutokana na vivutio walivyokuwa navyo.
“Nadhani nisiwe mzungumzaji sana lakini kubwa nawakaribisha Mtwara pamoja na kuwatakia ushindi katika pambano la Mtwara Ubabe Ubabe 2, nichukue tena fursa hii kuwaomba wadau na kuwapongeza wote walioshiriki katika jambo hili kwa kuutangaza mkoa wa Mtwara na huu ndiyo wakati wa wawekezaji kuja kuweza kwenye mambo mbalimbali yakiwemo ya utalii kwa sababu tuna vivutio vingi hapa,” alisema Kanali Ahmed.
Kwa upande wa Kiduku na Mandonga wameshukuru kwa mapokezi hayo makubwa pamoja na kamati yote ya maandalizi ambapo kila mmoja ameahidi kutoa zawadi ya ushindi siku ya Jumamosi kwa kuhakikisha anashinda pambano lake.
Ikumbukwe Kiduku atapanda ulingoni kutetea mkanda wake wa UBO dhidi ya Abdo Khaled kutoka Misri wakati Karim Mandonga akitarajia kupanda ulingoni dhidi ya Salim Abeid kutoka Tanga.