Hatua hiyo imeamriwa wakati wa kusikilizwa kwa kesi yake ambapo alionekana kama mtu huru.
Jaji Jorge Chavez ametaja "hatari ya mtuhumiwa huyo kukimbia na kushindwa kufuata utaratibu unaostahili," kulingana na uamuzi uliotolewa na mahakama.
Mkuu huyo wa zamani wa nchi amekamatwa mara moja. Alitarajiwa kupelekwa katika gereza dogo mashariki mwa Lima, ambako wanazuiliwa marais wa zamani Alejandro Toledo, Ollanta Humala, na Pedro Castillo.
Upande wa mashtaka unamtuhumu Bw. Vizcarra kwa kupokea hongo ya jumla ya soli milioni 2.3 (takriban euro 550,000) kutoka kwa makampuni ya ujenzi badala ya kutoa kandarasi za umma huko Moquegua. Tarehe ya kesi haijulikani.
Rais huyo wa zamani pia anashukiwa kuongoza mtandao wa rushwa uliotoa nyadhifa na kandarasi badala ya kupokea rushwa kutoka mwaka 2018 hadi 2020, kipindi ambacho alikuwa mkuu wa nchi kabla ya kushtakiwa na Bunge.
Uchunguzi huu unafuatia kukamatwa kwa watumishi watatu wa zamani wa umma na mfanyabiashara mmoja "ambao wanadaiwa kuwa na uhusiano na kundi la wahalifu la 'Wasioguswa na kashfa ya ufisadi," ofisi ya mwendesha mashtaka wa umma ilisema mapema mwaka 2024.
Bw. Vizcarra amekanusha kabisa shutuma hizi, ambazo anazihusisha na ulipizaji kisasi, sawa na chuki dhidi yake.
