Jumatano , 13th Dec , 2023
Na Mwandishi wetu 

Kijana Boniface John ambaye alikuwa mfanyakazi wa machinjioni (26) amejiua kwa kujichoma kisu shingoni na tumboni baada ya kumuua mke wake Devota Gilbert (20), na mwili wake kwenda kuutupa katika eneo la Mafisa kwa Mambi mkoani Morogoro huku chanzo cha mauaji hayo ikiwa ni wivu wa mapenzi

Submitted by Agnes Kibona on Jumatano , 13th Dec , 2023

Sehemu ulipokutwa mwili wa Devotha

Na kwamba kutokana na ugomvi waliokuwa nao kwa kipindi cha mwezi mmoja.

Kamanda wa Polisi mkoa wa Morogoro Alex Mkama, amesema kuwa tukio hilo limetokea usiku wa kuamkia jana Desemba 12, 2023, ambapo mume baada ya kumuua mkewe na mwili wake kwenda kuutupa na yeye alienda kujiua katika eneo la Bigwa mkoani humo.

Katika eneo ulipokutwa mwili wa Devotha kulikuwa na kisu kilichotapakaa damu pamoja na simu ndogo ya kitochi, huku mwili wake huo ukiwa na jeraha usoni pamoja na mkononi.