Akizungumza na East Africa Radio, Mkurugenzi wa mashindano wa Shirikisho la Soka nchini, Boniface Wambura amesema kuna baadhi ya viwanja ambavyo havikuwa katika hadhi ya kuchezwa Ligi hiyo hadi vifanyiwe marekebisho na kuna baadhi ya viwanja vinatakiwa marekebisho madogomadogo ambayo yanarekebishika hivyo wajitahidi kumaliza marekebisho hayo ili Ligi ianze kwa wakati uliopangwa.
Wambura amesema kama kuna timu ambayo inakuwa haijakamilisha ukarabati wa uwanja utakao tumika,itawalazimu kutafuta uwanja ambao utafaa kwa ajili ya kutumia katika mechi mbalimbali za Ligi hiyo.
