Mgombea urais kupitia CCM Dkt John Magufuli.
Magufuli ametoa kauli hiyo hii leo Oktoba Mosi, 2020, wakati akiomba kura katika mkutano wake wa kampeni mjini Tunduma na kuwasihi wananchi wamchague David Silinde kwa ajili ya maendeleo yao.
"Nileteeni Silinde halafu mje mniulize maji ya hapa, lakini msinichanganyie mkaniletea hao nasema maji hamtayapata lazima tuambizane ukweli, hata malaika wanachagua pa kwenda huwezi watu ukawabembeleza kila siku hii ni mara ya mwisho mimi kuwaomba, nimevumilia mpaka moyo unauma", amesema Dkt. Magufuli.
Aidha Dkt Magufuli akaeleza ni kwa namna gani Silinde alikuwa akimuomba ahamie CCM, "Silinde huyu alikuwa CHADEMA kwenye jimbo la Momba, alipokuwa kule alijua uozo uliopo akawa kila mara anabembeleza anasema Baba nimechoka niko radhi nikosea ubunge lakini nihamie CCM hata kama nitakuwa karani tu nikamshangaa, alikuwa agombee Momba lakini nikamuambia sasa nenda ukanisaidie Tunduma kwa sababu ndiyo kuna changamoto nyingi kubwa".
