Mary Naali, Mwanariadha wa Tanzania
Wanariadha nyota kutoka maeneo mbalimbali nchini kesho wanatarajiwa kuchuana vikali katika mbio za kilomita 10, zinazofahamika kwa jina la Sokoine Marathoni zinafanyika wilayani monduli mkoani Arusha.
Wakizungumza na EATV baadhi ya washiriki wa mbio hizo ambazo ni sehemu ya maadhimisho ya kumbukumbu ya miaka 30 ya kifo cha aliyekuwa waziri mkuu wa Tanzania Hayati Edward Moringe Sokoine, baadhi ya washiriki wa mbio hizo akiwemo mwanariadha nyota wa mbio ndefu Marry Naali wamesema wamejiandaa vyema.
Pia wamesema kwamba kupitia mbio hizo wana matumaini makubwa na kuanza kuboreka kwa mchezo wa riadha nchini.
Akizungumzia mbio hizo ambazo mgeni rasm anatarajiwa kuwa Rais Jakaya Kikwete, mkuu wa mkoa wa Arusha Magesa Mulongo amewaomba wadau mbalimbali na wananchi kujitokeza kwa wingi kushiriki mbio hizo.
