Ijumaa , 9th Feb , 2018
Na Ismael Mohamed 

Waziri wa Habari, Sanaa Utamaduni na Michezo, Dkt Harrison Mwakyembe amezishangaa klabu kongwe za Tanzania, Simba na Yanga kushindwa kumiliki viwanja vyao vyenyewe vya kimichezo licha ya kuwa na umri mrefu vilabu hivyo.

Submitted by ismael on Ijumaa , 9th Feb , 2018

Dkt Mwakyembe ametoa kauli hiyo Bungeni katika mkutano wa 10 kikao cha nane cha Bunge kilichofanyika mjini Dodoma leo (Ijumaa) ambapo alikuwa anajibu swali la muongozo wa Mbunge wa Mchinga (CUF), Hamidu Bobale kuhusu klabu ya Yanga kuwaachia uwanja timu ya St. Louis ya kutoka Shelisheli kufanyia mazoezi.

"Naomba nitoe rai na wito kwa wapenda mpira.Timu ya Yanga ina umri wa miaka 83 tangu kuanzishwa kwake na Simba wana miaka 82, timu zetu sasa zifike muda nazo zijenge viwanja vyao", amesema Dkt. Mwakyembe.

Kwa upande mwimgine, Naibu Spika wa Bunge la Tanzania Dkt. Tulia Ackson ametangaza kuhairisha shughuli za bunge leo mpaka Aprili 03 mwaka 2018 siku ya Jumanne.