Ijumaa , 3rd Mar , 2017
 

Mshambuliaji wa Atletico Madrid Fernando Torres ametolewa Hospitali asubuhi ya leo, mara baada ya kupatiwa matibabu yaliyosabishwa na ajali ya kuumia kichwa uwanjani kwenye mchezo wa ligi kuu ya soka ya Hispania dhidi ya Deportivo, jana usiku.

Submitted by amosi on Ijumaa , 3rd Mar , 2017

Torres baada ya kupata majeraha

Torres aliyeingia uwanjani akitokea benchi, aligongwa kichwa na mchezaji wa Deportivo Alex Bergantinos zikiwa zimebaki dakika tano mchezo kumalizika, na kusababisha kupoteza fahamu na kulazimu apatiwe huduma ya kwanza kwa dakika kadhaa, kisha kukimbizwa hospitali.

Kulikuwa na hofu kubwa juu ya uhai wa Torres kutoka kwa wachezaji wote wa timu mbili, huku wengine wakiogopa hata kukaribia eneo la tukio.

Lakini taarifa iliyotolewa na Atletico, mapema hii leo, imesema kuwa mchezaji huyo, hakuumia sana ndani ya kichwa, baada ya kufanyiwa vipimo vya CT Scan.