Ligi Kuu ya Tanzania Bara imeendelea leo kwa jumla ya michezo sita kupigwa katika viwanja sita tofauti.
Jijini Dar es salaam Azam imelazimshwa sare na wekundu wa Msimbaz Simba kwa kufungana mabao 2-2 na kugawana point.
Mabao ya Simba yamefungwa na Ibrahimu Ajib dakika ya 25 na 69 huku mabao ya Azam yakifungwa na John Bocco dakika ya 1 na 72.
Bao la kwanza lililofungwa na John Bocco limeweka rekodi ya kuwa bao la mapema zaidi katika ligi ya msimu huu, likifungwa katika sekunde ya 52 ya mchezo.
Jijini Tanga Mabingwa watetezi Yanga wamebanwa mbavu na Mgambo JKT kwa kutoka suluhu ya bila kufungana.
Matokeo mengine, mjini Songea, Majimaji imeloweshwa mabao 5-1 na Toto Africa, huku Mwadui FC ikiiadhibu Stand United mabao 2-0.
Mtibwa na Mbeya City wamefungana mabao 2-2 na Kagera Sugar imetoka sare ya 1-1 na Ndanda FC.
Kesho Coastal Union itacheza na Afrcan Sports Mkwakwani Tanga wakati JKT Ruvu ikicheza na Tanzania Prison.
