Ushindi wa goli nne kwa sifuri dhidi Osasuna mchezo uliopigwa uwanja wa Santiago Bernabéu Stadium siku ya Jumamosi ya Novemba 9 mchezo huo ulitamatika huku kukiwa na majeruhi wapya kwa kikosi cha mabingwa watetezi wa La liga, Eder Militao atakaa nje ya uwanja miezi 9 baada ya kuumia goti, Rodrygo Goes na Lucas Vazquez wote walipata majeraha kwenye mchezo huo.
Kocha wa klabu ya Real Madrid ya Hispania Carlo Ancelotti anapitia wakati mgumu ndani ya Madrid kutokana na kuongezeka kwa idadi ya majeruhi kwenye kikosi chake.
Ushindi wa goli nne kwa sifuri dhidi Osasuna mchezo uliopigwa uwanja wa Santiago Bernabéu Stadium siku ya Jumamosi ya Novemba 9 mchezo huo ulitamatika huku kukiwa na majeruhi wapya kwa kikosi cha mabingwa watetezi wa La liga, Eder Militao atakaa nje ya uwanja miezi 9 baada ya kuumia goti, Rodrygo Goes na Lucas Vazquez wote walipata majeraha kwenye mchezo huo.
Mabingwa wa kihistoria wa ligi kuu ya Hispania itawakosa Wachezaji wake saba ambao huwa wanaanza kikosi cha kwanza cha Kocha raia wa Italiano Ancelotti.Ikiwatoa walioumia siku ya Jumamosi Dani Carvajal,Aurelien Tchouameni,David Alaba na Thibaut Courtois wakikosekana kwa muda mrefu kutokana majeraha tofautitofauti.
Madrid inashika nafasi ya pili msimamo wa La Liga ikiwa imekusanya alama 27 kwenye michezo 12 ambayo imekwishacheza msimu huu, hali ya majeruhi kwa Wachezaji muhimu wa kikosi cha kwanza inaweza kusababisha safari ya utetezi wa ubingwa wake ikawa ngumu kutokana na kuimarika kwa vikosi vya Barcelona bila kusahau Atletico Madrid inayonolewa na Diego Simeone.
Michezo ya ligi mbalimbali Duniani zimesimama kupisha timu za taifa kucheza kwa wiki mbili zikitarajiwa kurejea tarehe 21 Novemba Mabingwa mara 15 wa klabu bingwa Ulaya itakipiga dhidi ya Leganes siku ya Novemba 24 na kukabiliana dhidi ya Liverpool siku tatu mbele kwenye mchezo wa klabu bingwa.
Madrid imekuwa ikihusishwa kumsajili mchezaji wa Majogoo ya Anfield Trent John Alexander-Arnold kwa hali ilivyo sasa ndani ya timu hiyo kukosekana kwa beki wa kulia asilia kunaweza kuongeza kasi ya klabu hiyo yenye masikani yake Jiji la Madrid kumuwinda nyota huyo wa timu ya taifa ya England.
Carlo Ancelotti aonekana kuchanganyikiwa kutokana na mambo yanayoendelea ofisini kwake alikuwa kwenye wakati mgumu baada ya timu hiyo kupoteza michezo miwili dhidi ya Barcelona kwa goli 4-0 na AC Milan 3-1 yote uwanja wa nyumbani Santiago Bernabéu Stadium vipigo hivyo vilizua tafrani kwa Maboss wa Madrid presha ikawa kubwa kwa Mkufunzi huyo raia wa Italia.
Majina ya Makocha kadhaa yameanza kutajwa kuchukuwa nafasi ya Ancelotti ndani ya klabu hiyo baada ya msimu huu kutamatika kwa sababu ya mwenendo wa kusuasua wa kikosi hiko kwenye mashindano ya ligi ya mabingwa barani Ulaya inashika nafasi ya 18 baada ya kucheza michezo minne na alama zake 6.
Nyota huyo wa zamani wa AC Milan pamoja na timu ya taifa ya Italia amefundisha Los Blancos kwa awamu mbili tofauti Juni 25, 2013 baada ya kutimuliwa kazi José Mourinho na kufanikiwa kukiongoza kikosi hiko kushinda kombe la klabu bingwa Ulaya mwaka 2014 sambamba na kombe la Copa del Rey alifukuzwa kazi 25 Mei 2015 akarejea tena Madrid kwa mara ya pili ya kuiongoza kushinda Champions league na La liga msimu uliopita 2023-2024.
