Akizungumza jijini Dar es salaam, Mwenyekiti wa Kamati ya Tuzo hizo, Rehule Nyaulawa amesema tuzo hizo zitashirikisha michezo mbalimbali nchini ambapo Cannavaro atawania tuzo ya mwanasoka bora nchini huku akipambanishwa na wachezaji Elias Maguli ambaye alikuwa Ruvu Shooting na hivi sasa yupo Klabu ya Simba na Erasto Nyoni wa Azam FC.
Nyaulawa amesema Aishi Manula anawania tuzo ya mwanamichezo chipukizi huku akishindana na Sheridah Boniface anayecheza soka la wanawake na Omari Sulle anayecheza mchezo wa Tenis ambapo tuzo ya heshima itatangazwa siku ya ugawaji wa tuzo hizo.
