Kundi la The Heroes
Akizungumza na EATV kwa niaba ya mwenzake Emmanuel Dickson amesema wameshiriki mara ya tatu hivyo wameweza kujenga umoja hadi sasa na ndiyo maana mwaka huu wakaweza kushiriki bila tatizo.
“Tumeshiriki mara ya tatu na hata baada ya kushindwa, sisi shughuli zetu tunafanyia Gongo la Mboto na tutaendelea kushirikiana katika shughuli mbalimbali na ikitokea tukio bado tutafanya na tutajipanga vya kutosha Dance100% ijayo” Amesema Emmanuel.
Shindano la Dance100% limefikia hatua ya fainali mbapo makundi kwa sasa yanaendelea na maandalizi, ambapo yatachuana makundi matano yaliyoshinda hatua ya nusu fainali ili kundi moja liweze kuibuka na ushindi.
Kundi litakaloibuka na ushindi mwaka huu kuibuka na kitita cha milioni 7 ambapo shindano linadhaminiwa na Vodacom na Coca Cola na kuoneshwa na EATV kila Jumapili saa moja Jioni.
