Katibu Mtendaji wa TCU Prof. Charles Kihampa
Akizungumza na wanahabari jijini Dar es Salaam, Katibu Mtendaji wa TCU Prof. Charles Kihampa amesema kuwa tayari tume imefungua udahili wa Shahada ya kwanza ambapo dirisha litakuwa wazi kuanzia leo Agosti 26, 2020 hadi Septemba 25, 2020.
Amesema kuwa ni vyema waombaji wakasoma miongozo ya tume kabla ya kufanya udahili ili kuepuka migongano inayotokea baadaye baada ya mwanafunzi kukosa Chuo.
“Waombaji wanatakiwa kuwasiliana na Vyuo husika ili kujiridhisha kama watapata nafasi na wamekidhi vigezo kulingana na taaluma wanazohitajia kusoma, unapoambiwa na Mtu bila wewe kujihakikishia inaleta ukakasi baadaye”, amesema Prof. Kihampa
Aidha Prof. Kihampa amewataka waombaji wenye vyeti vilivyotolewa nje ya nchi ni lazima wawasilishe vyeti baraza la Mitihani la Tanzania (NECTA) au Baraza la Taifa la Elimu ya Ufundi (NACTE).
