Madawa ya Binadamu
Akizungumza baada ya kuteketeza dawa hizo mkaguzi wa dawa wa TFDA, mkoa Mbeya, Dkt. Silvester Mwidunda amesema kuwa kampuni hizo ziliwajibika zenyewe kukusanya dawa hizo na kuziwasilisha ili ziteketezwe.
Aidha amesema kuwa mbali na dawa TFDA, pia iliteketeza vipodozi vyenye thamani ya zaidi ya shilingi milioni 8 vilivyokamatwa katika maduka mbalimbali jijini Mbeya.
Kwa upande wake mkaguzi wa mamlaka ya chakula TFDA, kanda ya nyanda za juu Kusini Yusto Wallece amesema kuna changamoto kubwa ya uingizwaji holela wa dawa na vipodozi hali inayochangiwa na ushirikiano hafifu katika mipaka ya Malawi na Zambia.
