Rais wa Jamhuri ya Muungano wa Tanzania Dkt. John Magufuli
Kauli hiyo ameitoa hii leo Januari 27, 2021, wakati wa uzinduzi wa shamba la miti lililopo eneo la Butengo, Chato Geita, ambalo amelipa jina la shamba la miti la Silayo, ikiwa kama sehemu ya kutambua mchango uliofanywa na Kamishna wa Mhifadhi wa Misitu nchini, Profesa Dos Santos Silayo.
"Ninajua wapo baadhi ya Watanzania wameondoka ndani ya nchi na kukimbilia maeneo mengine kwenda kuchanjwa na waliporudi wametuletea Corona ya ajabu, chanjo hazifai, wazungu wangekuwa na uwezo wa kuleta chanjo, chanjo ya UKIMWI, Malaria, Kansa na Kifua Kikuu ingekuwa imeshapatikana na kuletwa", amesema Rais Dkt. Magufuli
Aidha Rais Magufuli ameongeza kuwa, "Lazima tuwe waangalifu kwa mambo ya kuletewa letewa msije mkafikiria mnapendwa sana, Taifa hili ni tajiri, Afrika ni tajiri kila mmoja anaitamani, niiombe Wizara ya Afya, isiwe inakimbilia mambo ya chanjo bila kujiridhisha".