Jumanne , 20th Oct , 2020
Na Mwandishi wetu 

Katibu Mkuu Wizara ya Kilimo Gerald Kusaya ametoa agizo kwa wakandarasi wanaojenga miradi ya ujenzi wa vihenge vya kisasa na maghala kukamalisha kazi hiyo ifikapo mwezi Desemba mwaka 2020.

Submitted by Elbogast on Jumanne , 20th Oct , 2020

Katibu Mkuu Wizara ya Kilimo Gerald Kusaya

Kusaya ametoa agizo hilo leo Oktoba 20 akiwa kwenye ziara yake ya kikazi  mkoani  Rukwa ya  kukagua utendaji kazi wa taasisi zilizo chini ya wizara hiyo pamoja na kutatua changamoto za kiutendaji.

" Natoa agizo kwa wakandarasi wanaojenga miradi ya ujenzi wa vihenge vya kisasa na maghala kwa ajili ya kuongeza uwezo wa NFRA kuhifadhi nafaka kuwa wakamilishe kazi ifikapo Desemba 2020. Sitoongeza muda kwa mkandarasi yeyote,"amesema Gerald Kusaya 
 

Katika hatua nyingine Kusaya ametoa onyo kali kwa kampuni ya Feerum ya Poland inayochelewesha kukamilisha mradi wa vihenge Songwe  kwa kisingizio cha virusi vya corona na kusema kuwa endapo hatakabidhi kazi ifikapo Desemba taratibu za kisheria zitachukuliwa dhidi ya mkataba wake.