Waziri wa Afya na Ustawi wa Jamii, Dk.Seif Rashid
Akiongea na East Africa Radio Mkurugenzi wa Manispaa ya Kinondoni Mhandisi Mussa Natty amesema ugonjwa ulianza siku ya Jumamosi baada ya mtu mooja kufariki kwa kuhara na kutapika na baadaye kubainika watu wengine wanne.
Natty amesema kuwa mpaka sasa wagonjwa karibu ya thelathini wamewekwa karantini huku wanne kati ya hao wakiwa wamethibitika kuumwa ugonjwa huo na wengine 19 wakiwa wamelazwa katika hosptali ya Sinza.
Natty amesema manispaa ya Kindoni imechukua hatua mbalimbali ikiwa ni pamoja na kuweka karantini katika maeneo ambayo ugonjwa huo upo huku akiwataka wananchi kuchukua hatua mbalimbali za kutumia maji safi na salama kwa kunywa pamoja na kula chakula katika mazingira uya usafi.
