Jumatatu , 3rd Oct , 2016
 

Madereva pikipiki maarufu kama bodaboda mkoani Arusha, wilayani Arumeru wametakiwa kuichukulia kazi hiyo kama ajira rasmi inayoweza kuwapatia kipato na kubalisha maisha yao.

Submitted by amosi on Jumatatu , 3rd Oct , 2016

Mkuu wa Mkoa wa Arusha Mrisho Gambo

Wito huo umetolewa na baadhi ya wazee walioshiriki mafunzo ya usalama barabarani, ujasiriamali pamoja na ulinzi shirikishi iliyohusisha zaidi ya watu 160 wakiwemo madereva bodaboda.

Wakizungumza kwenye mafunzo hayo wazee hao wamelishukuru shirika la Apec kwa kushirikiana na jeshi la polisi kutoa mafunzo kwa madereva bodaboda hao ili waweze kuona faida na matunda ya kazi wanayoifanya.

Kwa upande wake Katibu Tawala wa Wilaya ya Arumeru, Nyangusi Nailiba, akifunga mafunzo hayo kwa niaba ya Mkuu wa Mkoa huo Mrisho Gambo amemwagiza Mkuu wa wilaya hiyo kuhakikisha madereva bodaboda wote wanaweza kupata mafunzo ili waweze kufanya kazi zao kwa salama.