Kijana Jumanne Juma (26)
Jumanne Juma(26), mkazi wa Mtaa wa Kimara B, wilaya ya Ubungo jijini Dar es Salaam, ameuawa na watu aliokuwa akiwafanyia kazi za nyumbani kwa kumchoma na Petrol usiku wa Januari 23, 2024 wakidai amewaibia kiasi cha shilingi laki mbili kwenye mkoba alipoenda kudai malipo yake.
Akiongea na EATV, mke wa marehemu Helen Mariki anasema watu waliomuua mme wake walimfata nyumbani saa4 usiku wakimtaka wakamlipe hela anayowadai pamoja na kumpa kazi nyingine ndipo wakaagiza mafuta ya Petrol kwa ajili ya kumchoma kwa sababu amewaibia.
Mwenyekiti Mtaa wa Kimara B Beruk Kikwala, amethibitisha tukio hilo kutokea ambapo baada ya kupata taarifa aliwaagiza Polisi Jamii kwenda kuwadhibiti waliotekeleza tukio hilo mpaka Jeshi la Polisi lilivyofika na kuwatia nguvuni.
