Akizungumza jijini Dar es salaam, Rais wa shirikisho la soka nchini TFF, Jamal Malinzi amesema, michuano mechi hiyo inatarajiwa kuchezwa June 13 mwaka huu ambapo katika kundi hilo Tanzania imepangwa na nchi za Misri, Nigeria na Chad.
Malinzi amesema, lengo hasa la kuweka kambi Ethiopia ni kuweza kuwaweka wachezaji katika hali nzuri ya kimichezo ili kuweza kupambana na kushinda katika mechi hiyo ya awali.
Katika michuano hiyo, timu mbili zilizomaliza hatua hii ya awali kwa rekodi bora kuliko nyingine zitaungana na wenyeji timu ya taifa ya Gabon kukamilisha timu 16 zitakazoshiriki michuano ya AFCON mwaka 2017.
