Gavana wa Kentucky Andy Beshear amesema watu tisa wamefariki katika jimbo lake baada ya kutoa tangazo la dharura la maafa.
Takriban watu 1,000 waliokwama katika maji ya mafuriko walilazimika kuokolewa, alisema pia siku ya Jumapili.
Maeneo hayo hayo sasa yanaweza kuathiriwa na hali ya ukame lakini baridi, na hatari ya theluji, barafu na usumbufu mkubwa .
Kifo kingine mwishoni mwa wiki kilikuwa huko Georgia, ambapo mtu aliyekuwa amelala kitandani mwake alipigwa na mti uliong'olewa ambao ulianguka nyumbani kwake.
Kentucky, Georgia, Alabama, Mississippi, Tennessee, Virginia, West Virginia na North Carolina zilikuwa chini ya aina fulani ya tahadhari inayohusiana na dhoruba mwishoni mwa wiki. Karibu majimbo yote hayo pia yalikumbwa na uharibifu mkubwa mwezi Septemba kutokana na kimbunga Helene.
Mamia kwa maelfu ya nyumba hazina umeme kwa mujibu wa tovuti ya ufuatiliaji Poweroutage.us.
Baadhi ya maeneo ya Kentucky yalipokea mvua kubwa kwa mujibu wa Huduma ya Hali ya Hewa ya Taifa (NWS) , na kusababisha mafuriko kusambaa.
