Malacia amekaa nje ya uwanja tangu aitumikie timu ya taifa ya Uholanzi dhidi ya Crotia mchezo wa mashindano ya ligi ya mataifa ya bara la Ulaya uliofanyika mwaka 2023.Baada ya hapo Mchezaji huyo amekuwa muhanga wa matatizo ya goti yanayomsumbua mara kwa mara kurejea kwake uwanjani mwezi Februari kuliahirishwa kutokana na kuhofia kumuharakisha kurudi uwanjani na kutonesha jeraha lake.
Beki wa kushoto wa klabu ya Manchester United Tyrell Malacia amerejea kiwanjani jana kwenye mchezo wa kombe la ligi vikosi vyenye umri wa chini ya miaka 21 dhidi ya Huddersfield Town baada ya kukaa nje ya uwanja kwa miezi 17 akiuguza majeraha.
Malacia amekaa nje ya uwanja tangu aitumikie timu ya taifa ya Uholanzi dhidi ya Crotia mchezo wa mashindano ya ligi ya mataifa ya bara la Ulaya uliofanyika mwaka 2023.Baada ya hapo Mchezaji huyo amekuwa muhanga wa matatizo ya goti yanayomsumbua mara kwa mara kurejea kwake uwanjani mwezi Februari kuliahirishwa kutokana na kuhofia kumuharakisha kurudi uwanjani na kutonesha jeraha lake.
Mchezaji huyo wa zamani Feyenoord mwenye umri wa miaka 25 ameitumikia Manchester United michezo 39 msimu wa 2022-2023 ambao ulikuwa wa kwanza kwake kikosi cha Mashetani Wekundu wa Jiji la Manchester.
Mbele ya mkurugenzi wa ufundi wa United,Jason Wilcox,Mkuu wa Akademi ya Manchester United Nick Cox na Kocha wa kikosio cha kwanza Darren Fletcher, Mholanzi huyo kacheza dakika 45 akatolewa nafasi yake ikachukuliwa na Harry Amass.
Nyota huyo anatarajiwa kurejea kwa haraka kikosi cha kwanza baada ya kuwa nje muda mrefu akiuguza majeruhi kupona kwake kumekuja kwa muda muafaka baada ya Manchster United kumtangaza Mwalimu mpya Ruben Amorim kumrithi Erik Ten Hag aliyefukuzwa kazi wiki chache zilizopita.
Luke Shaw,Mason Mount,Leny Yoro, Kobbie Mainoo na Toby Collyer walikuwa wakifanya mazoezi mepesi chini ya uangalizi wa Madaktari wakati ambao Amorim ametembelea uwanja wa mazoezi wa Carlington.
Manchester United itashuka uwanjani Novemba 24 kucheza dhidi ya Ipsich Town mchezo wa ligi kuu Uingereza mchezo ambao utakuwa wa kwanza kwa Tyrell Malacia tangu 2023 kukitumikia kikosi hiko cha United huku Kocha mpya Ruben Amorin ataiongoza timu hiyo kwa mara ya kwanza baada ya kujiunga nayo kutokea Sporting Lisbon ya Ureno.
