Akiongea na Wadau na Wamiliki hao Jijini Dar es salaam, Msigwa amewataka wajitahidi kufundisha kiswahili fasaha ili kupunguza madhara ya kiswahili kuharibiwa Mitaani.
“Vituo vyetu vya kufundishia kiswahili vina mchango mkubwa katika kukuza uchumi hasa kupitia Wageni wanaojifunza lugha hii wakiwa na lengo kuelewa utamaduni wetu, kufanya biashara, uwekezaji, utafiti na kuunganisha juhudi za maendeleo Nchini, tunawapongeza Walimu kwa moyo wa kujitolea na kazi nzuri mnayofanya na inasaidia kueneza lugha Duniani”
“Serikali imejipanga kuwawezesha kuvianzisha vituo vya kufundishia kiswahili hata kwa mkopo wa riba nafuu, mikopo ipo kwa wenye sifa”
Mfuko wa Utamaduni na Sanaa Tanzania umelenga kutoa mikopo yenye masharti nafuu ambapo hutolewa kwa Msanii mmojammoja, Vikundi au Makampuni yanayotengeneza kazi za sanaa, ambapo mikopo hiyo huanzia laki 2 hadi milioni 100 na riba ya mkopo huo ni asilimia 9 tu inayotozwa katika salio la mkopo.
