Mkuu wa mkoa wa Pwani , Abubakari Kunenge
Mkuu wa mkoa wa Pwani , Abubakari Kunenge akiwa pamoja na kamati ya usalama ya mkoa, viongozi wa Wakala wa huduma za Misitu Tanzania (TFS) Kanda ya Mashariki na wilaya ya Kibaha, alitoa tamko na maagizo hayo kwa waandishi wa habari Mkoani Pwani.
Kufuatia hatua hiyo, imeweka msimamo kuanzia sasa inaendelea na operesheni ya usiku na mchana kuwaondoa wanaofanya shughuli za uvunaji wa mazao ya misitu.
Ameelezea kwamba, yeyote atakaekaidi agizo hilo atachukuliwa hatua za kisheria ili iwe fundisho kwa wengine.Alielezea kwamba, wafanyabiashara wa mkaa,wanaokata miti,kuni na fito ,muenendo huu haukubariki hata kidogo akiwaasa wananchi kushiriki kikamilifu katika kuhifadhi vyanzo vya maji.
Mkuu huyo wa mkoa ,amewataka viongozi mbalimbali kuanzia ngazi ya chini pamoja na wakuu wa wilaya wasimamie utekelezaji wa maagizo hayo pamoja na vibali vya uvunaji wa mazao ya misitu.
"Uvunaji ni mkubwa na tunashuhudia athari iliyopo sasa katika upatikanaji wa maji , wananchi waanze kuona umuhimu wa matumizi ya nishati mbadala ,Kwani uharibifu upo kwa kiwango kikubwa ,Tushirikiane kuendelea kupunguza tatizo hilo "alisisitiza Kunenge.