Mkurugenzi wa Tume ya Taifa ya Uchaguzi (NEC) Dkt Athumani Kihamia
inayompa mamlaka ya kumuapisha diwani huyo.
Akizungumza na EATV & EA Radio Digital leo Septemba 02, 2019, Dkt Kihamia amesema kuwa, barua waliyomuandikia Mkurugenzi wa Ubungo, ilijibiwa siku tatu kabla ya kikao cha madiwani na ilisainiwa na Mkurugenzi mwenyewe.
''Barua tuliyowapa Manispaa ya Ubungo waliipokea na walitutumia barua ya kukiri kama wamepokea siku tatu kabla ya Mkutano wa madiwani wa Halmashauri hiyo na ilisainiwa na Mkurugenzi mwenyewe, kusema kuwa hajapokea barua kutoka kwetu si kweli labda wana mambo yao tu'', amesema Dkt Kihamia.
Jumamosi ya Agosti 31, madiwani wa Ubungo kutoka CHADEMA, waligoma ndani ya kikao kilichokuwa kimeitishwa, wakihisi kufanyiwa mchezo mchafu na Mkurugenzi wa Halmashauri hiyo, baada ya kukataa kumuapisha diwani, ambapo Mkuu wa Idara ya Habari na Mawasiliano wa CHADEMA Tumaini Makene, alimtaka Mkurugenzi huyo kuhakikisha anaondoa vikwazo na kumuapisha diwani wao.
