Katibu Mkuu wa Ofisi ya Waziri Mkuu Tawala za Mikoa na Serikali za Mitaa (Tamisemi), Jumanne Sagini
Hayo yamesemwa na katibu mkuu TAMISEMI Jumanne Sagini wakati akiongea na wakurugenzi wa manispaa zote tatu za Dar es salaam na watendaji mbalimbali ambapo amesema kuwa ili kwenda na kasi ya Rais Dr. John Magufuli ni lazima watendaji wote wafanye kazi kwa bidii ili kutatua kero sugu za wananchi pamoja na kuwahudumia kwa haraka na kwa ufanisi mkubwa.
Sagini amewataka pia maafisa elimu kuhakikisha kuwa wanafunzi wote wanaoandikishwa kwa ajili ya mwakani hawalipishwi ada wala mchango wowote toka shule ya msingi hadi sekondari.
Aidha Sagini amewakemea watendaji wavivu na kuwataka wabadilike la sivyo wataachia nafasi zao kwa watu wenye kasi na ufanisi katika kazi ambapo wataendana na kauli mbiu ya serikali ya awamu ya tano.
