Msajili wa Vyama vya Siasa, Jaji Francis Mutungi
Jaji Mutungi ameyasema leo jijin Dar es salaam na kusisitiza kuwa kuna maisha baada ya uchaguzi hivyo ni muhimu kudumisha Amani iliyopo kwani machafuko yakitokea hayatabagua na wote tutaathirika.
Jaji Mutungi ameongeza kuwa dhamana ya nchii hii ipo mikononi mwa viongozi wa vyama vya siasa kwani wana wafuasi wengi ambao huwasikiliza na kuwaamini.
Aidha msajili huyo wa vyama amewaasa waandishi wa habari kutumia kalamu zao vyema kwa kuhubiri amani na upendo na kuepuka kuandika habari za uchochezi na wawasaidie watanzania kupata taarifa sahihi zitakazowasaidia katika kufanya uchaguzi wa amani.
