Katika taarifa yake, kocha mkuu wa Yanga, Hans Pluijm amesema wana ari ya kushinda mechi hiyo licha ya kuwaacha wachezaji wake tegemezi katika msafara wao wa Tunisia.
Katika mechi iliyochezwa wiki mbili zilizopita jijini Dar es Salaam, Yanga ililazimishwa sare ya 1-1 hivyo kuwa na kibarua kigumu cha kushinda ugenini huku wenyeji wao wakililia suluhu ili kucheza hatua inayofuata ambapo timu itakayoibuka na ushindi itaingia hatua ya mtoano kabla ya hatua ya nane bora katika michuano hiyo.
