Mkuu wa Wilaya ya Kisarawe Jokate Mwegelo na Rais Magufuli.
Jokate ametoa ujumbe huo leo, kupitia ukurasa wake wa mtandao wa Instagram, ambapo amesisitiza kuwa ana ufahamu uwezo wa Japhet hivyo anaamini suala la Korosho atalisimamia vizuri.
''Rais kaomba leo Ikulu uthibitishwe kijana mdogo uwe Mkurugenzi Mkuu wa Benki ya Maendeleo ya Kilimo Tanzania (TADB). Tunaamini kwa akili na uwezo wako mkubwa sasa wakulima watafutwa machozi yao na hili la korosho utalisimamia vyema'', ameandika.
Aidha katika ujumbe wake huo Jokate amemshukuru Rais Magufuli kwa kuwaamini vijana. ''Asante Mh Rais kwa kuendelea kuamini vijana wenye sifa na weledi kufanya vitu vikubwa kwa maendeleo ya nchi yetu''.
Japhet Justine Sayi alikuwa kaimu Mkurugenzi wa Benki hiyo kabla ya leo Rais Magufuli kuelelekeza waziri husika anayeshughulikia benki hiyo kumthibitisha Rasmi kuwa Mkurugenzi mkuu.
Jokate ni miongoni mwa vijana ambao wameteuliwa na Rais Magufuli kumsaidia katika jukumu la kujenga taifa, akimteua kama mkuu wa Wilaya ya Kisarawe kuanzia Julai 28, 2018.
