Washiriki wa shindano la Miss Tanga 2014
Kwa mujibu wa waratibu wa shindano hili, Mac D Promotions, warembo ambao wanawania taji hilo kwa mwaka huu ni Zuhura Masoud, Irene Hermes, Diana Festo, Fatma Iddy, Faith Joel, Elvira Arbogast, Abigael Mathias, Yusta Philip, Nasra Ramadhan, Upendo lyimo, Degy Wilfred, Janeth Maimu na Pendo Ayoub.
Katika kuweka motisha zaidi kwa mashindano haya, mbali na gari aina ya Vitz kwa mshindi wa kwanza, mshindi wa pili ataondoka na kitita cha shilingi laki 5, na mshindi wa tatu ataondoka na kitita cha shilingi laki 2 na nusu, huku mshindi wa nne akichukua shilingi laki 1 na watakaoshindwa watapatiwa kifutajasho cha shilingi 50 kila mmoja.
Tiketi za onyesho hili zinapatikana kwa shilingi 10,000 tu kwa viti vya kawaida, na 30,000 kwa VIP, Burudani kali kutoka kwa malkia wa mipasho nchini Khadija Kopa atakuwepo ili kutia nakshi za burudani za Pwani katika mashindano haya.
