Waziri Mkuu wa Jamhuri ya Muungano wa Tanzania Mhe. Kassim Majiliwa
Akijibu swali la Kiongozi wa Kambi rasmi ya Upinzani bungeni Mhe. Freeman Mbowe Waziri Mkuu amesema kuwa serikali inaendeshwa kwa mujibu wa sheria na katiba hivyo inatambua kuwa katika mfumo wa vyama vingi vyama vya siasa vinaruhusiwa kufanya mikutano ila kwa utaratibu maalum.
Waziri Majaliwa amesema kuwa mwandishi aliyemnukuu kuhusiana na kauli hiyo hakumtendea haki kwa kuwa aliitoa akiwa kama mbunge wa kawaida na si waziri mkuu na yalikuwa ni makubaliano ya vyama vya siasa katika jimbo lake.
Waziri mkuu huyo ameongeza kuwa kauli hiyo aliitoa wakati alipokutana na madiwani na viongozi wengine wa mkoa wake ambapo walikubaliana kuweka siasa pembeni na kufanya kazi kwa pamoja katika kuleta maendeleo.
