Jumatano , 30th Oct , 2019
Na Elbogast Myaluko 

Taasisi ya kuzuia na kupambana na rushwa (TAKUKURU), mkoani Kagera, itamfikisha mahakamani kaimu meneja mkuu wa kampuni ya ranchi za taifa (NARCO) Prof. Philemon Wambura, kwa tuhuma za kuomba na kupokea rushwa ya shilingi milioni 12, kutoka kwa mtu aliyetaka kumpatia kitalu cha ufugaji.

Submitted by Elbogast on Jumatano , 30th Oct , 2019

Mkuu wa TAKUKURU mkoa wa Kagera John Joseph.

Akizungumza na waandishi wa habari ofisini kwake leo Oktoba 30, 2019, Mkuu wa TAKUKURU mkoa wa Kagera John Joseph, amesema kuwa Septemba 23 mwaka huu walipata taarifa ya Wambura kujihusisha na vitendo vya kuomba rushwa.

Aliomba rushwa kutoka kwa baadhi ya wafugaji wenye uhitaji wa vitalu vya kufugia ng’ombe, au wenye vitalu ambao wanahitaji kuhuisha mikataba yao ya awali.

Aidha mkuu huyo wa TAKUKURU amesema kuwa wamewafikisha mahakamani watu wengine wanne ambao wanakabiliwa na mashtaka ya kuomba na kupokea rushwa.