Baadhi ya wachezaji wa timu ya taifa ya rollball ya Tanzania wakijifua.
Tanzania inataraji kuwa mwenyeji kwa mara ya kwanza wa michuano ya Afrika mchezo wa Rollball mashindano yatakayoanza August 26 hadi 30 mwaka huu yakifanyika katika uwanja wa ndani wa taifa jijini Dar es salaam
Rais wa chama cha mchezo wa rollball Tanzania TRBA Noel Kihunsi amesema maandalizi ya michuano hiyo yanakwenda vizuri na wamepata Baraka zote kutoka serikalini kupitia baraza la michezo nchini BMT
Kihunsi amesema wanataraji timu nyingi kushiriki michuano hiyo na mpaka sasa ni nchi za Uganda, Kenya na Rwanda ndizo zimethibitisha kushiriki michuano hiyo mpaka sasa
Aidha Kihunsi amesema kufanyika michuano hiyo hapa nchini kwa mara ya kwanza itatoa fursa kwa Watanzania kuona mchezo huo kwani kwa miaka kadhaa Tanzania imekua ikishiriki michuano ambayo inafanyika nje ya nchi.
